Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha á¹±hanziela ya u reila ya tshifhinganyana
Vha nga ita khumbelo ya á¹±hanziela ya u reila ya tshifhinganyana u itela u vusuludza á¹±hanziela yo fhirelwaho nga tshifhinga kana vho xedza á¹±hanziela yavho ya u reila.
Ṱhanziela iyii i shuma lwa miṅwedzi ya rathi fhedzi nauri i a ṋetshedzwa kha senthara ya u linga vhareili iṅwe na iṅwe.
- Kha vha ye sentharani ya u lingela ḽaisentsi ya u reila ya tsini vho fara zwi tevhelaho:
- Khophi yavho yo ṱanzielwaho ya ḽiṅwalo ḽa vhuṋe (ID) kana ID ya tshifhinganyana.
- Vhuṱanzi ha ḓiresi yavho ya poswo na ya hune vha dzula hone sa tsumbo, akhaundu ya maḓi kana muḓagasi. Arali akhaundu iyo i si madzinani avho, muṋe wayo u fanela u ita ḽianelwa ḽi ambaho uri vhone vha dzula ḓiresini yawe nahone tshitatamennde tsha maḓi kana muḓagasi tshi farekanywe na ḽianelwa.
- Arali vha tshi dzula vhudzulavhathu hu si fomala, vha fanela u ḓisa luṅwalo lu re na tshiṱemmbe tsha datumu tsha ofishala u bva kha mukhantselara wa wadi lu khwaṱhisaho ḓiresi yavho ya poswo na ya madzulo.
- Zwinepe zwiṋa zwi fanaho zwi si na muvhala. Vha fanela u thoma vha khwaṱhisedza na DLTC uri hu ṱoḓiwa zwinepe zwingana phanḓa ha musi vha tshi fodiwa zwinepe.
- Mbadelo yo tiwaho.
- Kha vha ḓadze fomo (DL1) ya Khumbelo ya ḽaisentsi ya u reila.
- Kha vha ḓadze fomo ya nḓivhadzo ya tshanduko ya ḓiresi kana zwidodombedzwa zwa muthu kana dzangano (NCP).
- Vha ḓo ya vha lingwa maṱo sentharani ya u lingela kana vhone vhane vha nga ya u lingwa nga ṅanga ya maṱo i re na ndalukanyo vha isa fomo ngei sentharani ya u lingela.
Ṱhanziela ya u reila ya tshifhinganyana i ṋetshedzwa ḓuvha ḽeneḽo.
Kha vha kwame ofisi yavho yapo ya ḽaisentsi u vhudzisa mutengo.
Khumbelo ya ṱhanziela ya u reila, DL1. Kha vha ḓadze fomo ine ya wanala kha senthara ya u linga vhareili.